މިއީ އުފެއްދުންތެރި ޚިޔާލުގެ މުޅިން އެހެން ލެވެލެއްގައި ހިންގާ ކެފޭއެއް. ފުވައްމުލަކު ދިގުވާނޑު އަވަށު ފިނިވާމަގުގައި ހުންނަ ކެފޭ 1940 އަށް ވަނުމުން އެ ވަދެވެނީ ފުވައްމުލަކުގެ ތާރީޚުގެ ތެރެއަށް. މުސްކުޅި އާދަކާދައާއި ސަގާފަތުގެ ތެރެއަށް.

ފުވައްމުލަކަށް ލިބިގެންވާ ގުދުރަތީ ސިފަތަކުގެ ތެރެއިން އެންމެ ފާހަގަކޮށްލެވޭ އެއް ސިފައަކީ ރަށް ވަށައިގެންވާ މާސިންގާ ކަނޑު. ގިނަ ސައިންޓިފިކް ދިރާސާތަކެއް ހެދިފައި ނެތަސް މި ރަށް ވަށައިގެންވާ ކަނޑުގައިވާ މަސް މަހާމެހީގެ ރީތިކަމާއި ތަފާތުކަން މިހާރު ވަނީ ހާމަވެފައި. މި ގޮތުން ދުނިޔެއިން މަދުން ނޫނީ ނުފެންނަ ފަދަ މަސް މަހާމެހި ވެސް މި މާސިންގާ ކަނޑުގައި ދަނީ ދިރިއުޅެމުން.

މިއީ ކުޑައިރު، ފުވައްމުލަކުގައި ބޮޑެތި ރާޅުތައް ނަގާ ދުވަސް ދުވަހު ރަށުގެ "ނެރެގަނޑު" ފަންނުގައި އޮންނަ ނެރުގެ ދެފަރާތުން ހިނގާފައި ގޮސް ނުވަތަ ނެރު ތެރެއިން ފަތާފައި ބޭރަށް ގޮސް ބިޔަ ރާޅުތަކުގެ ތެރެއަށް ވަދެ ކުރާ އާދަޔާ ޚިލާފު ކަމެއްގެ ވާހަކަ. މިކަމަށް ކިޔާ އުޅެނީ "އެލެއިއެ ޖެއްސުމެވެ."